TYSTYSGRIF LEFEL 3 MEWN YMARFER GWAITH IEUENCTID - AM DDIM
-
Ydych chi’n Ymarferydd Gwaith Ieuenctid sydd â Gwobr Lefel 2 mewn Egwyddorion Gwaith Ieuenctid neu Dystysgrif Lefel 2 mewn Ymarferydd Gwaith Ieuenctid?
-
Ydych chi eisiau datblygu a chymhwyso fel Gweithiwr Cefnogi Ieuenctid JNC?
-
Ydych chi wedi cofrestru’n barod gyda Chyngor y Gweithlu Addysg ond gyda chymhwyster Lefel 2?
-
Ydych chi eisiau gallu cofrestru gyda Chyngor y Gweithlu Addysg yn y dyfodol?
Os ydych wedi ateb ydw neu do i unrhyw un o’r cwestiynau hyn, cofrestrwch eich diddordeb i gymryd rhan mewn Tystysgrif Lefel 3 mewn Ymarfer Gwaith Ieuenctid wedi ei ariannu, trwy ganolfannau profiadol sydd wedi cofrestru gydag Agored Cymru, trwy lenwi’r ffurflen hon:
https://forms.office.com/e/0V8ewneeCF
Amlinellodd ymgynghoriad Llywodraeth Cymru yn 2022 y cynigion hyn ar gyfer Gwaith Ieuenctid: (gweler paragraffau 37-40)
Er mwyn atgyfnerthu ymdrechion i broffesiynoli'r gweithlu gwaith ieuenctid, rydym wedi penderfynu dileu'r cymwysterau Lefel 2 o Orchymyn 2016.
Fodd bynnag, gall y rhai sydd eisoes wedi cofrestru ac sy'n meddu ar gymhwyster Lefel 2 barhau i gofrestru yn y categori Gweithiwr Cymorth Ieuenctid am ddwy flynedd o'r dyddiad y daw'r gorchymyn i rym.
Mae hyn yn caniatáu amser i unrhyw unigolion nad ydynt yn gweithio tuag at gymhwyster lefel uwch ar hyn o bryd i ystyried eu hopsiynau a chofrestru ar gwrs sy'n darparu cymhwyster ar gyfer cofrestriad amodol (os oeddent yn dymuno gwneud hynny). Mae'r ffenestr 2 flynedd hon hefyd yn rhoi cyfle i unigolion osgoi bwlch yn y cofrestriad.
[Daeth Rheolau Cofrestru 2023 i rym ar 1 Mehefin 2023.]
